Kobre oin

HEALTHSHELTER AND SETTLEMENTFOOD SECURITY AND NUTRITIONWATER SUPPLY, SANITATION AND HYGIENE PROMOTIONCORE HUMANITARIAN STANDARDPROTECTION PRINCIPLESTHE HUMANITARIAN CHARTERWHAT IS SPHERE

Konteúdu-sira

Prefásiu

Rekoñesementu

Introdusaun

Padraun prinsipál ba Inkluzaun

Padraun prinsipál ba Inkluzaun 1: Identifikasaun

Padraun prinsipál ba Inkluzaun 2: Asesu ne’ebé seguru no justu

Padraun prinsipál ba Inkluzaun 3: Reziliénsia

Padraun prinsipál ba Inkluzaun 4: Koñesimentu no Partisipasaun

Padraun prinsipál ba Inkluzaun 5: Komentáriu no Keixa-sira

Padraun prinsipál ba Inkluzaun 6: Koordenasaun

Padraun prinsipál ba Inkluzaun 7: Aprendijazen

Padraun prinsipál ba Inkluzaun 8: Rekursu Umanu

Padraun prinsipál ba Inkluzaun 9: Jestaun Rekursu

Padraun Inkluzaun ba Bee Saneamentu no Íjiene

Padraun Inkluzaun ba Bee Saneamentu no Íjiene

Padraun Inkluzaun ba Seguransa Alimentár no Subsisténsia

Padraun Inkluzaun ba Nutrisaun

Padraun Inkluzaun ba Hela Fatin Uma no Sasán Uma-Laran

Padraun Inkluzaun ba Saúde

Padraun Inkluzaun ba Edukasaun

Glosáriu

Endnotes

Prefásiu

Prinsípiu Umanitáriu kona-ba imparsialidade – fornese ajuda bazeia ba nesesidade de’it – ejize autór umanitáriu tenke responde hodi tetu nesesidade ema hotu ne’ebé mak afeitadu husi krize bainhira sira determina prioridade sira. Maibé, ita hatene katak sistema umanitáriu, sistematikamente seidauk inklui ema idozu no ema ho defisiénsia..

Sphere fó oportunidade ba dezenvolvimentu padraun hirak ne’e ne’ebé hetan ona teste atu orienta komunidade umanitáriu. Ami fó ona apoiu ba serbisu pílotu importante ne’e hanesan kontribusaun importante ida ba Sphere ninia fiar prinsipál: katak ema hotu ne’ebé mak afeitadu husi krize iha direitu atu moris ho dignidade no tenke foti medida posível sira hotu atu redus sofrementu iha krize hirak ne’e. Sein hatene nesesidade no prioridade sira hotu – no liuliu ba hirak ne’ebé dalaruma ladún haree hetan iha krize – autór umanitáriu sira seidauk bele reklama katak apoiu ona ema nia direitu no dignidade ho justu.

Iha palku internasionál, halo ona kompromisu-sira atu alkansa inkluzaun ema idozu no ema ho defisiénsia iha asaun umanitáriu. Konvensaun Nasoens Unidos kona-ba Direitu Ema ho Defisiénsia (CRPD) apela katak “medida nesesáriu sira hotu tenke garante protesaun no seguransa ba ema ho defisiénsia iha situasaun risku, inklui situasaun konflitu armada, emerjénsia umanitáriu no dezastre naturál.” Konferénsia Mundiál Umanitáriu iha tinan-2016 hamosu ona Akordu kona-ba Inkluzaun no Ajenda ba Umanidade, ne’ebé rekoñese katak presiza métodu ida ne’ebé sistemátiku atu garante katak iha asaun umanitáriu, ita sei la-husik ema ida iha kotuk.

Padraun hirak ne’e fornese asaun ne’ebé klaru ba profesionál no organizasaun sira atu bele implementa hodi proteje, apoiu no engaja ema idozu no ema ho defisiénsia no ajuda ita hotu realiza kompromisu hirak ne’e. Padraun hirak ne’e fornese orientasaun atu identifika no halakon barreira asesu no partisipasaun iha kontestu oioin, no iha etapa tomak husi siklu programa umanitáriu.

Padraun hirak ne’e reprezenta pasu importante ida ba promosaun no hadi’ak asaun atu hatán ba nesesidade ema hotu, ho prinsípiu imparsialidade Ha’u espera katak Ita-Boot sei hamutuk ho ami hodi fahe ho parte seluk, halo advokasia no treinamentu kona-ba aplikasaun padraun no lori padraun hirak ne’e ba iha prátika umanitáriu.

Christine Knudsen, Diretóra Ezekutivu, Sphere

© CBM/Shelley

Rekoñesimentu

Padraun Inkluzaun Umanitáriu ba ema idozu no ema ho defisiénsia dezenvolve husi the Age and Disability Capacity Programme (ADCAP) inisiativa ida husi the Age and Disability Consortium. Membru-sira husi konsórsiu mak CBM, DisasterReadyorg Handicap International, HelpAge International, International Federation of Red Cross no Red Crescent Societies (IFRC), Oxford Brookes University no RedR UK.

ADCAP parseria ho Kenya Red Cross Society, CBM no Christian Aid in Kenya; Concern Worldwide Islamic Relief no HelpAge International iha Pakistaun; no Islamic Relief Worldwide no Christian Aid iha Reinu Unido.

Ezbosu ba versaun revizaun manejia husi Giulia David (CBM) no Kate Aykroyd (Handicap International), ho apoiu husi Philip Hand no Irene van Horssen (HelpAge International), Ricardo Pla Cordero (Handicap International), Valérie Scherrer no Kirsty Smith (CBM).

Ami hato’o obrigado ba ema hotu ne’ebé mak reve ona ezbosu ne’e no fornese ona informasaun valiozu sira. Ida-ne’e inklui:

  • Membru-sira the Age no Disability Consortium ne’ebé mak envolve iha dezenvolvimentu versaun pílotu no iha ninia revizaun: Irene van Horssen, Diana Hiscock Philip Hand, Ivan Kent no Marcus Skinner (HelpAge International); Kate Aykroyd no Ricardo Pla Cordero (Handicap International); Giulia David, Kirsty Smith, Valérie Scherrer Laura Gore Tushar Wali no Christian Modino Hok (CBM); Tina Tinde Kaisa Laitila no Siobhán Foran (IFRC); Kate Denman no Isabelle Robinson (RedR UK); Supriya Akerkar (Oxford Brookes University).

  • Members of the Review Group, who guided the whole revision process, helped to prioritise changes to the pilot version and inputted in the revised version: Aninia Nadig (Sphere); Emma Pearce (Women’s Refugee Commission); Gergey Pasztor (International Rescue Committee); Georgia Dominik, Jose Viera and Emmanuel Jacq (International Disability Alliance); Kelly Fitzgerald (NGO Committee on Ageing, Geneva); Emily Beridico (COSE – Coalition of Services of the Elderly); Kirstin Lange (UNHCR); Maria Kett (Leonard Cheshire Disability and Inclusive Development Centre, UCL).

  • Peritu setór prinsipál ne’ebé mak fornese ona informasaun tékniku ba iha kapítulu sira husi versaun revizaun: Pauline Thivillier (Handicap International), Angela Rouse (CDAC Network), Mark Gorman (HelpAge International) and Silvia Perel-Levin (Chair Geneva NGO Committee on Ageing): Padraun Inkluzaun Prinsipál; Emma Pearce (WRC), Boram Lee (WRC), Alice Hawkes (IRC), Gergey Pasztor (IRC): Protesaun; Mark Buttle (UNICEF) no Magda Rossmann (HelpAge International): WASH; Talal Waheed (HelpAge International), Isabelle Pelly (CaLP): Seguransa Alimentár no Meius Subsisténsia; Mina Mojtahedi (IFRC) no Juma Khudonazarov (HelpAge International): Nutrisaun; Corinne Treherne (IFRC) no Erika Trabucco (Handicap International): Hela fatin, Uma no Sasan Uma-laran; Eric Weerts (Handicap International), Alessandra Aresu (Handicap International), Davide Olchini (Handicap International) no Juma Khudonazarov (HelpAge International): Health; Sian Tesni (CBM) no Julia McGeown (Handicap International): Edukasaun.

Ami rekoñese kontribusaun husi asesór inkluzaun ne’ebé hetan apoiu husi ADCAP ne’ebé mak uza ona versaun pílotu husi padraun ne’e fornese ona informasaun valiozu no fahe ona prátika sira ne’ebé di’ak no estudu kazu, ne’ebe barak mak inklui ona iha edisaun ida-ne’e: Claire Grant Sharon Jelagat Kibor Ayisha Mohamed (Christian Aid); Sherin Alsheikh Ahmed no Farooq Masih (Islamic Relief); Anwar Sadat (HelpAge International); Michael Mwendwa (CBM); Lillian Matemu (Kenya Red Cross Society) no Shafqat Ullah (Concern Worldwide).

Ami mós rekoñese kontribusaun husi ema liu husi 300 ne’ebé mak reprezenta organizasaun ema ho defisiénsia, ema idozu ninia asosiasaun no organizasaun umanitária, husi mundu tomak Sira nia komentáriu kona-ba versaun pílotu mak kontribusaun prinsipál ida ba edisaun ida-ne’e Ami hato’o obrigado ba sira nia envolvementu no dedikasaun ba iha inkluzaun ema idozu no ema ho defisiénsia iha asaun umanitáriu.

Introdusaun

Globalmente kuaze porsentu 15 husi populasaun mak moris ho defisiénsia.1 Iha estimasaun katak porsentu 13 husi populasaun mundiál mak tinan 60 ba leten.2 Liuhusi porsentu 46 husi ema sira ne’ebé mak tinan 60 ba leten, hetan defisiénsia.3

Prinsípiu umanitáriu ejize katak asisténsia umanitáriu no protesaun tenke fó bazeia ba nesesidade sein diskriminasaun. Laiha ema ida mak tenke esklui husi asaun umanitáriu, tantu ho intensaun ka la ho intensaun. Maibé sei iha kapasidade ne’ebé mak limitadu entre autór umanitáriu sira atu kumpre kompromisu ida-ne’e Diskriminasaun bazeia ba defisiénsia, tinan no jéneru dalaruma kombina ho forma diskriminasaun sira seluk hodi nega ema idozu no ema ho defisiénsia nia direitu ba asisténsia no partisipasaun iha asaun umanitáriu.

Objetivu husi Padraun

Padraun inkluzaun umanitáriu ba ema idozu no ema ho defisiénsia kria atu ajuda responde ba lakuna iha kompreénsaun nesesidade kapasidade no direitu ema idozu no ema ho defisiénsia, no promove sira-nia inkluzaun iha asaun umanitáriu.

Padraun hirak ne’e kria atu haforsa akuntabilidade autór umanitáriu ba ema idozu no ema ho defisiénsia, no atu apoiu partisipasaun ema idozu no ema ho defisiénsia iha asaun umanitáriu. Padraun ne’e bele uza hanesan matadalan ba programasaun, no hanesan rekursu ida ba treinamentu no advokasia, liuliu atu influénsia polítika no prátika organizasaun atu bele inkluzivu liután.

Padraun inkluzaun umanitáriu ba ema idozu no ema ho defisiénsia forma husi padraun prinsipál ba inkluzaun 9, ne’ebé mai husi Kompromisu 9 husi Padraun Umanitáriu Prinsipál kona-ba Kualidade no Akuntabilidade (CHS), no padraun inkluzaun setór-espesífiku 7: protesaun; bee saneamentu no íjiene; seguransa alimentár no subsisténsia; nutrisaun; hela fatin, uma no sasán uma-laran; saúde; no edukasaun.

Kada kapítulu aprezenta padraun konjuntu ida ho asaun xave sira atu ajuda alkanse padraun, nota orientasaun atu apoiu implementasaun asaun, instrumentu no rekursu, no estudu kazu ne’ebé hatudu oinsá ema idozu no ema ho defisiénsia, inklui ona iha resposta umanitáriu. Estudu kazu iha kazu balun uza textu husi fontes esterna, ka uza terminolójia ne’ebé organizasaun ne’ebé fornese informasaun prefere.

Padraun inkluzaun setór kuaze forma husi área inkluzaun prinsipál tolu:

  1. jestaun dadus no informasaun

  2. hatán ba barreira-sira

  3. partisipasaun ema idozu no ema ho defisiénsia, no haforsa sira nia kapasidade.

Padraun inkluzaun setór-espesífiku halo ho intensaun atu uza hamutuk ho padraun prinsipál ba inkluzaun.

Ba padraun hirak ne’e nia objetivu, ‘inkluzaun’ konsidera iha kontestu ema idozu no ema ho defisiénsia, maske ita rekoñese katak iha mós grupu seluk ne’ebé iha risku no hasoru barreira asesu no partisipasaun no hetan diskriminasaun tanbá estatutu, inklui tinan, jéneru, rasa, kor, étniku, orientasaun sexuál, lian, relijiaun, estatutu saúde, polítiku ka opiniaun seluk, nasionálidade ka orijin sosiál.

Prinsípiu Fundamentál no Kuadru Servisu

Padraun inkluzaun umanitáriu ba ema idozu no ema ho defisiénsia komplementa padraun balun no kuadru servisu iha lei umanitáriu internasionál, konvensaun no lei direitu umanu, inklui Konvensaun kona-ba Direitu Ema ho Defisiénsia. Sira hetan apoiu husi prinsípiu báziku hirak tuir-mai ne’e:

  • Prinsípiu umanitáriu kona-ba umanidade imparsialidade neutralidade no independénsia

  • Laiha diskriminasaun

  • Asesibilidade

  • Respeitu dignidade ema idozu no ema ho defisiénsia

  • Partisipasaun ativa no efikaz no igualidade ba oportunidade

  • Respeitu diversidade no simu ema idozu no ema ho defisiénsia

  • Igualdade entre ema husi diferente jéneru no grupu tinan.

Padraun inkluzaun umanitáriu ba ema idozu no ema ho defisiénsia komplementa Integrasaun Protesaun, ne’ebé mak defini husi Global Protection Cluster hanesan prosesu integrasaun prinsípiu protesaun no promosaun asesu signifikativu, seguransa no dignidade iha ajuda umanitáriu.

Padraun inkluzaun umanitáriu ba ema idozu no ema ho defisiénsia kria atu uza hamutuk ho Sphere nia Kapítulu Umanitáriu no Padraun Mínimu iha Resposta Umanitáriu, Padraun Umanitáriu Prinsipál ba Kualidade no Akuntabilidade (CHS), no Sphere nia padraun sira seluk Padraun inkluzaun umanitáriu ba ema idozu no ema ho defisiénsia promove métodu dupla atu inklui ema idozu no ema ho defisiénsia iha asaun umanitáriu. Ida-ne’e envolve fornese intervensaun espesífiku ne’ebé foku ba ema idozu no ema ho defisiénsia, apoiu sira-nia empoderamentu no mós integra medida sensível tinan-no defisiénsia ba iha polítika no programa iha etapa tomak.

Oinsá dezenvolve padraun sira ne’e

Padraun inkluzaun umanitáriu ba ema idozu no ema ho defisiénsia dezenvolve husi the Age no Disability Consortium, grupu ida ne’ebé forma husi ajénsia 7 ne’ebé serbisu atu promove ajuda umanitáriu inkluzivu ba ema idozu no ema ho defisiénsia. Padraun hirak ne’e dezenvolve hanesan parte ida husi programa the Age and Disability Capacity Programme (ADCAP).

Versaun pílotu públika ona iha tinan-2015 hanesan Padraun Mínimu ba Inkluzaun Ema Idade no Ema ho Defisiénsia iha Asaun Umanitáriu. Versaun pílotu ne’e mai husi revizaun estensivu husi padraun no matadalan ne’ebé eziste ona.

Revizaun ba versaun pílotu halo ona iha tinan-2017. Konsultasaun, survei no entrevista ho peritu tékniku liuhusi ema 300, profesionál umanitáriu, no organizasaun ba ema ho defisiénsia no asosiasaun ema idozu, husi organizasaun 139 iha país 26, ne’ebé mak fornese komentáriu no rekomendasaun ba edisaun ida-ne’e.

Padraun hirak ne’e kontinua sai hanesan dokumentu ida ne’ebé ativu. Padraun hirak ne’e sei hetan revizaun períodikamente bazeia ba komentáriu no rekomendasaun adisionál sira. Padraun hirak ne’e kria hanesan etapa inisiu ida atu apoiu organizasaun umanitáriu atu alkansa inkluzaun ema idozu no ema ho defisiénsia iha sira-nia resposta umanitáriu. Ba oin, sei dezenvolve indikadór-sira bazeia ba komentáriu no esperiénsia husi organizasaun umanitáriu sira ne’ebé mak implementa padraun hirak ne’e.